Seizcou daeuj lo, seizcou daeuj lo……Mbwn yienghhaenx sang, yienghhaenx lamz. Yawj hwnj gwnz mbwn bae, miz geij duj fwjhau, lumj dujva yienghneix gyaeundei…….

Laj mbwn dwg nazhaeux muengh mbouj raen henz. Haeux henj lo, henjrwgrwg, lumj gim bu rim doengh, gig ndeiyawj.

Henz nazhaeux miz aen daemz ndeu, henz daemz miz go faexgyaeuq ndeu, mbaw henj baenz mbaw baenz mbaw daj gwnz gofaex loenq roengzdaeuj. Miz mbangj doek roengz ndaw raemx, byalwg youz gvaqbae, ndoj youq baihlaj, dawz mbawfaex dangguh liengj, gig vaiqvued. Miz mbangj doek youq haenzhamq, duzmoed raih hwnjbae, buet bae buet dauq, dawz de dangguh aen cauhcangz yindung.

Baih nazhaeux haenx mbin daeuj song duz roegenq, yawj- raen mbawfaex loenq roengz- daeuj, doq mbin doq hemq, lumj baenz gangj: “Dienhbauq daeuj lo, coi raeuz bae baihnamz vaiq di lo……”

Seizcou caen gyaeundei ha, gou gyaez seizcou!

（指导老师：韦慧）