Vih swnjcienz vwnzva Bouxcuengh Biengz Hawcou, coicaenh boux gyaez Sawcuengh Biengz Hawcou hagsib Sawcuengh. Youq seiz ciet“sam nyied sam Bouxcuengh Hawcou”yaek daengz, Boengj Hagcuengh Biengz Hawcou hai guh vwnzva hueddoengh aeu“Biengz Canghgwj Yawzyed, Ciet Naengjcwx Angqsoj” guh cawjdaez haenx, hai guh Aen Ban Faekbaenz Sawcuengh Mbat Daihngeih Biengz Hawcou. Ngoenz 29-30 ndwen 3, Beixnuengx Biengz Hawcou doxcomz youq Aen Ranzlaeuj Laux Gimhang hag Sawcuengh nyauznyauz, miz 126 boux hagseng daeuj haeujrumj hagsib Sawcuengh. Boux cienzriuz vwnzva Bouxcuengh、Bouxyaej Luz Swnghyungz hawj boux hagseng son fatyaem caeuq gyoepraiz Vahcuengh daengj vamzrox giekdaej.

(Vangz Veijcungh/王伟忠)