3 nyied 26 hauh, Lozcwngz Mulauj- cuz Swciyen gawjhengz minzsuz、ndawbiengz vwnzyi langhyienj hozdung, rag hai fanmuq aen yienh neix “sam nyied sam Bouxcuengh·ciet hoenghi Betgveiq” haehlied hozdung.

Dang ngoenz, doihyienjheiq、doih- saeceij duzlungz、doihsaeceij max daj Swbaj Cin、Siujcangzanh Cin、Nazvungh Yangh caeuq ndaw yienhsingz daeuj haenx hawj bouxyawj biujyienj le fouxlungznywj、fouxlungzbaengz、foux- saeceij、 fouxsaeceij max、conzdungj caijdiu、daenj buhvaq minzcuz langhbyaij、fouxgyongraez Yauzcuz、hoenxgienz daengj cezmuz miz minzcuz daegsaek, biujyienj ndei yawj raixcaix, ndaej daengz bouxyawj bekfwngz ruru.

Ciuq cam rox, mbat hozdung “sam nyied sam”neix ndawde，aen yienh neix cawz liux gawjhengz minzsuz、ndaw- biengz vwnzyi langhyienj le, lij youq Cwngzlungzhuz Gunghyenz Byaijbo Gvangjcangz gawjhengz“sam nyied sam Bouxcuengh·hoih Fwencuengh Loz- cwngz”、ciengj haeuxfaengx、giuz faexcuk Mulauj daengj minzcuz conzdungj dijyuz doxdax, gawjhengz gyaeqhoengz cienz cingz、 minzcuz daih lienzvuen vanjvei dongfeiz、cimz gijgwn ndeigwn Mulauj daengj hozdung.

(Veiz Yuzdai/韦如代）