Ranz gou ciengx miz duz meuzraiz ndeu, gwnz ndang bwn hau bwn ndaem doxcab, bwn hau yienh ndaej engq hau, bwn ndaem yienh ndaej engq ndaem lo. Henz bak miz geij diuz mumh raezrangrang, baez yaeb baez yaeb doengh dwk, dwggyaez lai lo.

Duz meuzraiz geijlai manz ha! Moix haet daxgoeng hwnqdaeuj cawj souh seiz, duzmeuz hix hwnqdaeuj lienh ndangdaej lo. De laeglemx benz hwnj gwnz congz bae, daj gyaeujcongz fandingjdaeuj daengz dincongz, lij diuq hwnj gwnz swiz bae, gij rizdin de lumj duj vamoiz nei, guhcaemz ndaej geijlai angq ha! Daxgoeng yawjraen le, vax dawz gaiq sauqbaet couh siengj moeb. Gou youq henz yawjraen duzmeuz anj lo, mbouj rox loek youq gizlawz, gou hemq naeuz: “Daxgoeng, gaej moeb de lo!” Daxgoeng ngauzngauz gyaeuj, vut sauqbaet henz gungx dou bae, byaij bae lo. Duzmeuz yawjyawj gou, hemq “meumeu” song sing, lumjbaenz doiq gou naeuz：“Docih mwngz! Bouxcawj iq!”

Duz meuzraiz geijlai dwggyaez ha! Gou gyaez duzmeuz ranz gou.

（指导老师：韦江萍）