●3 nyied 25 hauh, “swnjcienz vwnzva Boux- cuengh caez angqhoh sam nyied sam”—bouxcoz nyezrauh soujfuj Mbanjcuengh angqhoh sam nyied sam minzsuz conzdungj cawjdaez hozdung youq Aen Cungsim Hozdung Bouxcoz Nyezrauh Namzningz Si banh. Minzsuz biujyienj、 daejniemh hozdung lai cungj lai yiengh, yinx ndaej cien boux doxhwnj bouxcoz nyezrauh daengx si daeuj camgya.

(Bangz Linaz)

●3 nyied 25 hauh, Cungguek-Dunghmungz vwnz- va ndangdaenj lijyiz conzdungj comzyienj youq Namzningz banh, hozdung seiz, langhbaij le gij vwnzva ndangdaenj caeuq lijyiz hauq caen gyo’mbaiq aencingz、 buhvaq lijyiz conz- dungj siujsoq minzcuz Guengj- sae daengj. Baez hozdung neix, vih Cungguek caeuq guekgya Dunghmungz lijyiz caeuq vwnz- va ndangdaenj daphwnj le aen bingzdaiz doxgyau he, coicaenh doxgyau vwnzva Cungguek caeuq guekgya Dunghmungz.

（Ciengj Sezlinz）

●3 nyied 25 hauh, vunz- mbanj Mbanjsangmuz Hozmuz Cin Yungzsuij Myauzcuz Swciyen youq doenghnaz nyaengq guh hong. Ngoenz- haenx, fwn ngamq dingz ok ndit, raemx gaeuq lai, boux- guhnaz dangdieg gaemdawz seiz guh hong neix, bae ndaw reih ndaw naz guh hong rauq naz、dwk bwnh、 roengz faen daengj, doenghnaz gvangqlangh nyaengqnyinyi.

(Lungz Linzci)

●Bi’gvaq doxdaeuj, youq henz roen bakgemh Veizhauj Fanzcangh Cunh Licouh Yauzcuz Yangh Denzlinz Yen, vunzlai dangdieg dawz doengh- gij byaekcwx byaekginzcaiq cwx、 byaekvaeq、 rangz bya maj youq dieg bya sang 1000 lai mij daengj gak cungj gak yiengh, baij youq aen dan faex haenx gai, miz haujlai vunz gvaq roen cungj haengjgyaez, doxciengj bae cawx, baenz diuz roen ndaej souhaeuj moq.

(Fungz Cunhyinz Luz Anhbingz)