Bonjbauq siusik (gicej Cau Dwzfeih) 3 nyied 23 hauh banhaet, Swcigih Minzcuz Gunghcoz Veij- yenzvei hai aen hoih daengxcungq veijyenz bi 2017, cungjgez doxgyau gij hong minzcuz bi 2016, anbaiz hong minzcuz bi 2017. Swcigih Dangjveij cangzveij、 Dungjcanbu bucangj、 Minzcuz Gunghveij cujyin Cau Dwzmingz camgya hai hoih caemhcaiq gangjvah. Aen hoih youz Swcigih Minzcunghveij dangjcuj suhgi、 Minzcuz Gunghveij fucujyin Luz Yenbenj cujciz.

Cau Dwzmingz cungfaen haengj- dingh gij cingzcik hong minzcuz gih raeuz bi 2016 aeundaej haenx. De naeuz, gak gaep bumwnz guhhong minzcuz caeuq Swcigih Minzcuz Gunghveij gak veijyenz danhvei aeu hagsib gvancez baenzdauq gangjvah youqgaenj Siz Ginbingz cungjsuhgi daegbied dwg gij cingsaenz baenzdauq gangjvah youqgaenj gvendaengz hong minzcuz haenx, gaenjndaet hopheux doidoengh gij cingsaenz aen hoih hong minzcuz cunghyangh diuz cawjsienq neix, ciuq gak hangh gezcwz anbaiz cunghyangh caeuq swcigih gvendaengz hong minzcuz haenx, doed ok cungdenj、 yungh diemj daiq mienh, haenqrengz guh ndei gak hangh hong, vih saedyienh “daengx ranz caen Cunghvaz minzcuz, caemh sim caez hwnjguh siengjmuengh Cungguek” caeuq hwnjguh dieg guhyiengh minzcuz doxgiet cinbu guh ok gung- yen gaenxmaenx, hong minzcuz daengx gih hamj hwnj mbaek lae moq、 aeundaej cingzcik moq、 rom ndaej gingniemh moq.

Cau Dwzmingz giengzdiuh, aeu youq gij giekdaej hong minzcuz aeundaej cingzcik haenx, gikfat gyoengq boux guhhong minzcuz daengx gih mbouj lumz goek、 laebdaeb baenaj, doidoengh minzcuz doxgiet cinbu saehnieb gih raeuz hwnj mbaek lae moq. Aeu cienzmienh gvancez minzcuz cwngcwz dangj, yaengxsang mbaw geiz gak minzcuz doxgiet, sonyinx vunzlai gak cuz daengx gih gyagiengz nyinhhawj guekcoj hungmbwk、 Cunghvaz minz- cuz、 vwnzva Cunghvaz、 Cungguek Gungcanjdangj、 yiengh sevei cujyi miz Cungguek daegsaek， cietsaed gyagiengz yisiz cwngci、 yisiz daengx buenz、 yisiz haedsim、 yisiz yawjcoh, maenhmaenh gaemdawz gij diuh onjyamq baenaj, yungh gvancez doeksaed gij cingsaenz aen hoih hong minzcuz cunghyangh guh cawjsienq, haenqrengz coicaenh gak minzcuz doxgyau dox baedauq doxyungz, haenqrengz gyavaiq yamqdin dieg comzyouq siujsoq minzcuz vut gungz baenz miz buet siujgangh, haenqrengz doidoengh hongsaeh minzcuz fapleix fapceih.

Cau Dwzmingz iugouz, naj doiq hingzseiq moq、 yinvu moq, raeuz aeu daj gij dohsang henhoh minzcuz doxgiet、 coicaenh gwnzbiengz huz- ndei、 caux “sam swnghdai hung”、 saedyienh “song aen guhbaenz” moegbiu, cungfaen roxyiuj gij youqgaenjsingq caeuq ginjbwzsing, caenh’itbouh gyagiengz cwzyinganj caeuq ginjbwzganj, giendingh saenq- sim caeuq gietsim, engqgya gaenx- maenx cawjdoengh bae guh ndei、guh cietsaed gak hangh hong.

Gwnz hoih, Swcigih Dangjveij Cujcizbu daengj 7 aen veijyenz danh- vei faenbied doxgyau gangjvah. Veijyenz、bouxlienzhaeh 33 aen veijyenz danhvei camgya hai hoih.