●3 nyied 19 hauh, gyoengq bouxguhnaz Mbanjdenzsinh Siz- mwnz Cunh Swbaz Cin Lozcwngz Mulaujcuz Swciyen youq gyang naz nyaengq cae naz. “Cinfaen” daeuj daengz, bouxguhnaz aen yienh neix nyaengq dwk raemx unq naz、 bog dangxnaz cae naz、 ndaem gyaj goemj bozmoz daengj, doenghnaz gvangqlangh diegdieg nyaengqnyinyi. Ciuq cam rox, bineix aen yienh neix dajveh ndaem doenghgo mienhcik 78 fanh moux, ndawde ndaem haeux mienhcik dingh youq 40 fanh moux doxhwnj.

(Se Sunhwngz)

●3 nyied 18 hauh, Sanh- gyangh Dungcuz Swciyen Linzhih Cin Cwngzyangz Bazcai Gingjgih banh ciet golaux Dungcuz ndwen- sam, vunzlai dangdieg yungh lanz roen coux hek、 biujyienj yotfaiq、 golaux Dungcuz、 dohyeh nem ngaizbakranz daengj cezmuz lai yiengh, caeuq 1000 lai boux bouxhek angqgvaq ngoenz singhgiz. Daengz ndwenngeih daej, aen yienh neix gungh ciepdaih bouxhek 54.1 fanh vunzbaez, saedyienh lijyouz gwnzbiengz cungjsouhaeuj 2.6 ik maenz, doengzbeij faenbied demmaj 15% caeuq 13%.

(Gungh Bujgangh)

●3 nyied 16 hauh, Cingsih Si Vadung Cin Buai Cunh Mbanj- bwzai, vunzmbanj doenggvaq aen bingzdaiz gaicawx denjswj laj- mbanj youq gwnz muengx cawx doxgaiq. Mboengqneix, Cingsih Si Vadung Cin youq Lijhingz Cunh、 Veizsinh Cunh、 Ginzcwz Cunh daengj mbanj laeb miz 4 aen bingzdaiz gaicawx denjswj, gaenx- maenx gya’gvangq diuz roen gai doxgaiq reihnaz dangdieg, coicaenh nungzyez gyalai yauqik、 bouxguhnaz demsou.

(Vangz Anhcungh)

●3 nyied 15 hauh, gyoengq bouxguhnaz Mbanjloeglingx Bah- myau Cunh Yifung Cin Denzyangz Yen yungh seiz mbwnbumz doek fwnmoenq gyalai ndaem hing. Seizcin dajndaem, aen cin neix gaenxmaenx sonyinx bouxguhnaz yungh ndei diegbo dangdieg, dawz ndaem hing dangguh hanghmoeg gyalai souhaeuj ngaenzcienz ndaw ranz daeuj guh, seizneix daengx cin hoengh ndaem hing, ndaem hing baenz gij gveihmoz hawj vunz angq.

(Vangz Gozsun)