Miz ngoenz ndeu, lauxsae cam gyoengq doengzhag cungj hag rox le gijmaz. Daihgya siengj hix mbouj siengj couh dap naeuz：Rox veh veh、rox youzraemx、rox cawj haeux cawj byaek、rox guh hongnaz hongreih…… Gou dingqnyi doengzhag rox guh haujlai saeh, swhgeij yiengh ndeu hix mbouj rox guh, ndawsim gig siengsim. Lauxsae cam gou vih gijmaz siengsim. Gou naeuz：“Gou mbouj rox guh saek yiengh saeh.” Lauxsae dingq le riunyumj naeuz：“Mbouj youq- gaenj, mwngz ma ranz hag cawj byaek, yawjyawj daxmeh baenz- lawz cawj mwngz couh hag baenzlawz cawj？”

Cuengqhag ma daengz ranz, daxmeh ngamq swiq byaek, gou dawz daehsaw baez gveng, ndwn youq henz yawj daxmeh cawj- byaek. Cijraen daxmeh dawz byaek swiq seuq le, aeu cax daeuj ronq, caj rek hoengzndat dawz youz、byaek、gyu itheij cuengq roengz rek bae, yienz- haeuh yungh canjbyaek fan bae canj dauq. Mbouj geij nanz byaek cawj ndei lo. Gou gaem dawh daeuj cimz, feih dangqmaz .

Ngoenz daihngeih, cuengq- hag le, gou vaiqvet ma ranz. Aenvih gyanghaet daxmeh doiq gou gangj：“Gou mbouj youq ranz, mwngz swhgeij cawj byaek ba.” Gou hag daxmeh yiengh- haenx guh：Sien aeu byaek daeuj swiq, yienzhaeuh aeu cax daeuj ronq, hoeng ronq ndaej miz di raez miz di dinj, caj rek hoengz le, dawz youz、byaek、gyu cungj cuengq roengz rek bae, gaem canjbyaek fan bae fan dauq. Gvaq le geij faen cung, byaek cawj cug lo. Gou baez cimz, ai, gyu dwk lai lo.

Yienznaeuz gou baez daih- it cawj byaek mbouj ndei gwn, hoeng ngoenzlaeng ginggvaq gou roengzrengz bae guh, itdingh ndaej hawj bohmeh gwnz daengz gij byaek feih gou cawj haenx.

（指导老师：杨金梅）