贵港市覃塘区蒙公乡凌寺小学六年级(2)班 覃 涵

Daxmeh, gou miz haujlai vah siengj doiq mwngz gangj.

Daxmeh, mwngz miz haujlai ngoenz mbouj bae guh hong lo, youq ranz buenx gou, cungj dwg aenvih gou baenzbingh lo, mwngz lau gou gag youq ranz mbouj miz vunz ciuqgoq.

Bonjlaiz, swiq vanj﹑ndat raemx dwg hong gou wnggai guh, seizneix mwngz bang gou guh gij hong neix, gvaqlaeng, caj bingh gou ndei le, gou itdingh gyaboix roengzrengz bae guh.

Gou lij geiq ndaej gij cingzgingj mwngz daih’it baez soengq gou bae hagdangz haenx. Ngoenz haenx fwn lumj bat raix raemx roengzdaeuj nei doek dwk, mwngz lau gou deng fwn rwed dumz, mwngz dawz buhfwn cungj dangj youq gwnz ndang gou, bae daengz hagdangz seiz, gou fatyienh mwngz daengx ndang cungj dumz liux lo. Yawjraen gij cingzgingj neix ndawsim gou gig raeuj gig gamjdoengh……Seizhaenx gig siengj sing hung doiq mwngz gangj: Daxmeh docih mwngz! Hoeng gou gangj mbouj okdaeuj.

Daxmeh ha daxmeh, seiz- neix gou siengj doiq mwngz gangj, gou majhung le itdingh ndeindei bauqdap mwngz.

（指导老师：庾景喜）