Ngoenzlwenz daxmeh caeuq daxbuz gangjvah seiz gangj daengz aen swz he——“rangzbyaj”. Gou youq henz geizheih dwk cam: “Rangzbyaj dwg gorangz rox byajraez lwi?” Daihgya dingq le cungj riuhaha.

Daxmeh lwnh gou nyi, rangz- byaj dwg gorangz seizcin byajraez le maj okdaeuj haenx. Daxgoeng bouj naeuz:“Dang seizcin sing byaj daih’it yiengj le, doenghgo cungj didngaz lo, doenghduz ninz gvaq- doeng haenx hix ndiu daeuj lo.” O, laxlawz seizcin sing gyajraez daih’it couh dwg singlingz hwnq- mbonq doenghgo doenghduz ha!

Seizcin daeuj lo, siet yungz- vaq lo, go’nywj daj daej namh ndonj okdaeuj lo, naedceh bienq- baenz gomiuz, nyefaex did ok ngaz heuoiq. Doenghduz youq seizdoeng ninz gvaqdoeng haenx hix ndiu lo, duzmui、duzngwz、duzcenh caeuq duzgoep ninz aen seizdoeng raezrang he, cungj okdaeuj ietiet ndang lo. Mwh gwn haeuxcaeuz, gou gwn daengz rangzbyaj homfwdfwd, byonghhwnz loq raen ndang swhgeij ndonj gvaq raq dienhlaeuz he, sawqmwh maj sang lo, ha, ndang gou hix deng byajraez heuh ndiu lo!

(ngeih nienzgaep Lij Cin’anh)