●Gaenh bi neix daeuj, Yungzanh Yen cungdenj bangfuz bouxguhnaz caeuq ranzgungzhoj hableix leihyungh reihnaz, daez- sang gij cingzsoq sawjyungh reihnaz, hwngfat gij canjnieb miz daegsaek, ra ok dauq vunqsik “haeuxnaz youz youz” habngamj bouxguhnaz dangdieg fazcanj. Couhdwg ndaem miuz haeux- caeux ndeu, riengzlaeng ndaem youzgveiz, caiq ndaem miuz byaekyouzcaiq ndeu, nazraemx moix moux canjciz daengz 5700 maenz, moix moux souhaeuj 4800 maenz, doengzseiz, hwngfat lijyouz yawj gingjsaek swnghdai nungzyez, coicaenh bouxguhnaz laisou.

(Danz Gaijhingh)

●Bi 2016 doxdaeuj, Lungzswng Gak Cuz Swciyen yungh gij vunqsik “lwgmou+gunghswh daezhawj son’gyauq dinfwngz mbouj aeu cienz+gunghswh baujgyaq sou dauq” bangfuz houyenz danhvei gien- soengq haenx, gujli vunzlai ranzgungzhoj ciengx moudoj swnghdai. Daengz seizneix, daengx yienh gaenq miz 60 lai ranz ranzgungzhoj doenggvaq ciengx mou swnhleih vut gungz.

(Vuz Swnghbinh Liuz Yingh)

●2 nyied ndawcib dox- daeuj, Denzyangz Yen Yifung Cin netsaed haiguh veiswngh geiqseng “sam roengz mbanj” hozdung, mboujduenh gyalai senhconz song lwg cwngcwz, giva seng lwg dajciengj bangfuz cwngcwz caeuq seng ndei ciengx ndei daengj, caemhcaiq yied- cingz ciepsouh vunzlai gak dieg camcaz veiswngh geiqseng cihsiz、 gawq aeu cwngcwz soengq haeuj gak ranz gak hoh, youh dawz fugsaeh soengq haeuj mbanj, ndaejdaengz vunzlai haenh ndei.

(Vangz Gozsun)

●Gaenh bi neix daeuj, Mungzsanh Yen aeu dieg guh- yiengh ndaem makbakhom guh gyaeujlungz, sonyinx ranzgungz- hoj haenqrengz ndaem mak- bakhom miz daegsaek, caemh- caiq doenggvaq “dangjcihbu + gunghswh + hozcozse + gihdi + nungzhoh” hwngfat vunqsik, haifat laeuj mak、meiq mak、 gojfuj daengj baenzdauq doxgaiq makbakhom, hawj vunzlai ndaej laisou baenz fouq.

(Gvanh Sinh)