“Liuz Yenz, Ciuh Yiluz miz gij binjciz baenzneix sang, cigndaej vunz gingqboiq. Ndaw lauxsae son gvaq raeuz haenx, mwngz ceiq boiqfug byawz?” Dangz Dahaij ga ndeu caij youq gwnz aen cuzgiuz, fwngz he dingj youq gwnz daiz, saenzsaenz maedmaed dwk cam. “Mwngz naeuz ne?” Liuz Yenz fanjcam de. “Yenz lauxsae!” Dangz Dahaij siengj hix mbouj siengj couh gangj ok bak. “Gou lij dwg haemq boiqfug Lij lauxsae.” Liuz Yenz nyinhcaen dwk han naeuz.

Song vunz cungj genhciz gij yigen swhgeij, byawz hix gangjfug mbouj ndaej byawz.

Gij cenglwnh song boux de yinx daeuj haujlai doengzhag. “Dangz Dahaij, mwngz dwg mbouj dwg deng Yenz lauxsae baebingz lai lo, seizneix siengj bungjbauq ha?” “Bouxgveijmaj” Liuz Yenz itmienh naeuz, itmienh cez lwgda coh Dangz Dahaij. Dangz Dahaij baez dingq, roxnyinh deng vunz riu lo, song lwgda lumj yaek boq feiz okdaeuj nei, baez haebheuj, couh dik aen cuzgiuz laj din daengz henz gyangjdaiz bae, caeuq Liuz Yenz ceng hwnjdaeuj, ceng ndaej byawz hix mbouj nyiengh byawz.

“Linglingling……”Hwnj- dangz lo, gyoengq doengzhag cungj naengh dauq diegnaengh swhgeij, ndaw gyausiz sawqmwh dinghrwd- rwd lo.(2)