Byoem ndaemndwt raezram, bwnda gungjgedged, lwgda ndaem- rongh, gyahwnj bakmbaeu bakvan, neix couh dwg gou——Cwnz Swjloz.

Daxmeh naeuz gou dwg boux “maez meijsuz” he. Miz ngoenz he, gou cingq lienh veh veh, veh dwk veh dwk, gou lumz seizgan, gijmaz cungj lumz lo, doeklaeng veh sat le, gou yawj seizgan, va, gaenq cibngeih diemj buenq lo, gou ganjgip bae gwn ngaiz. Gou buet daengz naj daizgwnhaeux, raen daxbuz cingq yaek sou vanj lo.

Daxboh naeuz gou dwg boux “maez doegsaw” he. Miz baez he, gou gwn haeuxcaeuz le, gou haeuj ndaw rug bae, gaem bonjsaw he daeuj yawj, ndaw saw gig mizyinx, sawj gou dingz mbouj roengzdaeuj, seizgan it faen it miux gvaqbae lo, gou yawj sat bonj saw neix lo, gou baez yawj seizgan, dai lo, yaek daengz gyanghwnz cibngeih diemj cung lo, gou ganjgip hwnj mbonq ninz.

Dahcej naeuz gou dwg boux “maez diuqfoux” he. Moix aen singhgizroek, gou cungj bae ban- diuqfoux hag diuqfoux. Moix baez hag dungcoz moq, gou cungj nyinhcaen lienh.

Gyoengq baengzyoux, dingq gou gag gaisau le, sou naeuz gou dwg “maez” gijmaz ne?

(sam nienzgaep Cwnz Swjloz)