Lingzlwg ndaem go miuzmakleiz ndeu, ngoenzngoenz rwed raemx、dwk bwnh, caj daengzcog miz makleiz gwn.

Mwh goleiz cingq majhung, duz roegga he “gaga” doiq lingzlwg naeuz: “Daegnuengx ha daegnuengx, mwngz baenzlawz ndaem goleiz ne? Goleiz yaek caj haj bi cij dawzmak, mwngz caj ndaej lwi?” Lingzlwg riuriu mbouj dap, roegga ngauzngauz gyaeuj, mbin bae lo.

Duz roeggacak he mbin daeuj lo, “cici caca” hemq dwk, genyi lingzlwg ndaem godauz. Lingzlwg naeuz de nyi swhgeij daegbied siengj gwn makleiz. “Lwg huk neix.” Roeggacak bekbek gaiqfwed mbin bae lo.

Duz roegdinghgeng he “gugu” hemq dwk heuh lingzlwg gaij ndaem gomakyinghdauz, naeuz makyingh- dauz ndei gwn raixcaix. Lingzlwg miz leix dwk naeuz:“Daxgux roeg- dinghgeng, docih mwngz! Hoeng gou rox ‘yinghdauz ndei gwn faex nanz ndaem’.”

Gvaq song bi daengz ndwenloeg, miz ngoenz ndeu, ndit ndat baenz feiz, lingzlwg cingj roegga、roeggacak、roegdinghgeng daeuj gwn makleiz de ndaem haenx, yawj makleiz hung- gyaeng venj gwnz goleiz, gyoengqde cungj gig doeksaet. Lingzlwg naeuz de ndaem haenx dwg cungj mak binjcungj moq cug caeux he, heuh “ndwenloegvan”.

(seiq nienzgaep Yez Youhcenh)