Mwh cuengq hanzgyaj, gou bae ranzdaiq guhcaemz. Yawjraen daxdaiq ngoenzngoenz cungj youq ndaw ranz nyaengq guh hong- soujgoeng racienz, yienghneix baez ndaejhoengq, gou couh bang daxdaiq guh soujgoeng.

Ngamq hainduj, gou mbouj rox guh, roxnyinh guh gig dwgrengz. Daxdaiq couh baenz di baenz di son gou. Gou guh vaih lo, couh lid bae dauq guh. Guh mbouj daengz song ngoenz, fwngz gou gingqyienz hwnj bop lo, daxdaiq ngoenzngoenz cungj guh, yiengh- neix mbouj dwg engq sinhoj ha? Gou baez daih’it roxdaengz vunz- hung racienz caen mbouj yungz- heih. Yienghneix, gou nyaenx in, genhciz guh roengzbae.

Daengz mwh yaek haihag, gou yaek ma ranz lo. Daxdaiq hawj cienz hawj gou, gou baenzlawz cungj mbouj aeu. Daxdaiq naeuz: “Gij cienz neix dwg mwngz bang daxdaiq guhhong canh ndaej, dwg ‘cienzhong’ mwngz, mwngz ndaej dawz bae cawx bitmaeg.” Dingq daxdaiq baenzneix gangj, gou ciep aeu cienz lo.

Aen hanzgyaj neix gou ndaejdaengz faenh “cienzhong” daih’it ciuhvunz gou, hix rox- daengz racienz mbouj yungzheih.

(sam nienzgaep Ginh Vanjlanz)