Miz ngoenz ndeu, daxgoeng youq ranzdajcawj gaeb ndaej duz roeg he, duz roeg neix cuengq haeuj ndaw roengq bae. Gou gueng raemx hawj duzroeg, duzroeg cungj mbouj gwn, itcig buekmingh daemj aenroengq, siengj deuz okbae.

Gvaq yaep he, duzroeg sawqmwh dakmai, song gaiq nyauj sukndaet youq doxcaez, aenda laep ndaet, song gaiq fwed duix roengz daejroengq. Daxgoeng naeuz: “Duzroeg heiqndat dai lo!” Daxmeh cix naeuz: “De dwg cang dai, siengj ndaejdaengz swyouz.” Gou gamjdaengz duzroeg dwg baeg lo, siengj yietnaiq yaep ndeu.

Gou dawz aenroengq riuj daengz yangzdaiz bae, ndit ciuq daengz gwnz ndang duzroeg, gizgyae cienz daeuj sing roeg hemq, duzroeg ndaw roengq hai da lo. “Daxmeh duzroeg itdingh gig siengj de, danghnaeuz daxmeh ra mbouj raen mwngz, itdingh gip ndaej daej bae.” Daxmeh youq henz rwz gou naeuz. “Dwg ha, danghnaeuz gou deng gven youq ndaw roengq, hix gig siengj daxmeh ha.” Gou hai aen douroengq, roeg iq bekbek fwed mbin bae lo.

(it nienzgaep Ouhyangz Siuhbingz)