Mboujlwnh youq gizlawz, bungz daengz gij vunz swhgeij roxnaj haenx, cungj wngdang roxlaex gvaqbae dongx vunz.

Aeueiq bouxlaux dwg daudwz ndei conzdungj Cunghvaz minzcuz, daegbied dwg mwh bouxnom yawj- raen bouxlaux, engq wnggai cawj- doengh gvaqbae dongx camndei.

Aiq miz mbangj doengzhag gamjdaengz swhgeij caeuq bouxlaux neix mbouj sug geijlai, aenvih launyaenq roxnaeuz mbeiiq, ciengz- ciengz dwg ngaem gyaeuj byaij deuz roxnaeuz gyajcang yawj mbouj raen. Hoeng, youq ndawsim bouxlaux, yienghneix guh aiq sawj gyoengqde nanzgvaq, roxnyinh swhgeij mbouj deng bouxnomj aeueiq.

Bingzseiz bungzdaengz vunzsug, caenciet hwnjbae dongx de, mbouj- danh dwg biujsi ndiepgyaez doxndei, lij ndaej gyalaeg cingzngeih song vunz. Couhcinj mwngz miz saeh cingq yaek ganj bae, hix ndaej vadvad fwngz roxnaeuz ngaekngaek gyaeuj biujsi dongx de.

Danghnaeuz youq dieg gungh- gung ciengzhab yawjraen vunzsug, lumj duzsuhgvanj、ranzyawjsaw rox- naeuz dingngaiz daengj, ndaej mbouj oksing, dayawj roxnaeuz ngaekgyaeuj coh doiqfueng couh ndaej lo, neix hix dwg cungj fuengfap dongx vunz he.

(Yingh Sinh)