Siujfangh caeuq Siujmingz doxiek ngoenzsinghgiz bae yawj denyingj, songde gangj ndei 8 diemj cung doxraen. Siujmingz caeuxcaeux couh hwnqdaeuj, caengz daengz 8 diemj couh daeujdaengz denyingjyen lo. De caj ha caj ha, itcig mbouj raen Siujfangh daeuj. Buenq diemj cung gvaqbae lo, Siujmingz dwk dienhvah hawj Siujfangh, hoeng dwk mbouj doeng. Siujmingz caj baenz buenqngoenz youh mbouj gamj byaij bae, lauheiq Siuj- gangh daeuj le ra mbouj raen de.

Daengz banngaiz 12 diemj, Siujfangh dwk dienhvah daeuj cam Siujmingz: “Mwngz ra gou miz gijmaz saeh? Haxbaenh gou hwnj goqyinhyoz.” Siujmingz vei dwk naeuz:“Raeuz mbouj dwg iek ndei 8 diemj cung yawj denyingj ha? Gou daj 8 diemj itcig caj daengz seizneix ne! Siujfangh yawjyawj soujbyauj, gig geizheih naeuz:“Seizneix liz 8 diemj cung lij caeux ne.”

Laxlawz, Siujfangh naeuz 8 diemj cung haenx dwg banhaemh 8 diemj cung. Banhaemh 8 diemj ndaej yungh 20 diemj cungj 24 diemj fapgeiqseiz haenx daeuj biujsi, hix couh dwg aeu banngoenz 8 diemj gyahwnj 12, cienqvuenh baenz 20 diemj.

Danghnaeuz mwngz caeuq baengzyoux mwngz iek seizgan dwg 15 diemj, mwngz baenzlawz caeuq baengzyoux mwngz gangj ne? (Vei Siujdingz)