Mehnax ciepdwk naeuz: “Yienghneix, loek le baenzlawz guh?”

“Miz seiz, dahniq dwg ngoenz daihngeih cij fatyienh gij loek ngoenz gaxgonq geiq haenx, de ganjvaiq ra ok yienzlaiz de geiq haenx daeuj doiq, danghnaeuz caen dwg loek lo, de couh youq bonj bouh geiq haenx biumingz, caemhcaiq yiengq baihgwnz gisieng- can veibau. De lij swhgeij hawj swhgeij sij faenh genjdauj he, daeuj daezsingj swhgeij, baezlaeng geiq soqgeiq gisieng engq sijsaeq、engq nyinhcaen.”

Mehnax bang Daegcoengh bouj naeuz: “Neix dwg cingzgvang sij loek. Lijmiz ciuq bingzseiz caekbauq dwg cingqdeng, hoeng dienheiq fwt bienq- vaq, cauxbaenz saedsaed caihcaih mbouj dwg yienghneix, gizneix lij yaek caiq cungjgez、caiq hagsib.”

Daegcoengh sawqmwh siengj hwnj aen vwndiz he:“Yungh mbouj yungh gyaudaih gij yienzaen yinxhwnj gij saehcingz neix, hix couh dwg dahniq vih gijmaz dang siuj gisiengyenz.”

“Dangyienz sij. Aiq dwg hag- dangz laebbaenz gisieng siujcuj, aenvih de gyaez gisieng caekbauq; hix aiq dwg gisiengcan bonjdieg vihliux doigvangq gisieng cihsiz, youq hanz sujgyaj ciusou gisieng culijyenz, de cawjdoengh bauqmingz, dang hwnj le gisieng culijyenz.”

“Dahniq neix ceiq ndei an aen coh ndei dingq he hawj de. Mehnax, gijmaz va mbouj lau nit?”

“Vameiz (vamoiz).”

“Yienghneix couh heuh de guh Siujmeiz ba.”

“ ‘Meiz’ dwg singq roxnauz dwg mingz ne?”

“Singz mingz cungj ndaej.”

Daegcoengh gangj le, dawz ok ceij caeuq bit, hainduj sij lo. (sat)