Lauxsae ciengz lwnh dou, yaek lai caeuq vunz faenyiengj, faenyiengj mboujdanh ndaej sawj bouxwnq angq, hix sawj swhgeij engq angq. Ginglig baez youh baez faenyiengj, sawj gou gamjdaengz swhgeij majhung lo. Ndawde miz baez ginglig faenyiengj he, gou seizneix geiq ndaej lij gig cingcuj.

Haenx dwg ngoenz bongj- rumz doeksiet he, daxmeh soengq gou bae hagdangz. Gwnz loh, siet yied doek yied hung, daengz bakdou hagdangz, gwnz dieg cungj hau lo. Gou yawjraen daxmeh daenj buh mbang lai, fwngz nit dwk hoengzfwdfwd, gou gig sim’in. Gou ganjgip iet fwngz gvaqbae gop gaiqfwngz daxmeh, lij yungh bak ha gij heiq raeuj daengz fwngz gou caeuq daxmeh bae. Gizsaed fwngz gou hix nit ndaej caepcat, hoeng gou couhdwg siengj raeuj gaiqfwngz daxmeh. Daxmeh angq dwk riu naeuz: “Fwngz mwngz hix nit ha, vaiq haeuj gyausiz bae ba, ndaw gyausiz raeuj.” Gou riu naeuz: “Gou neix dwg caeuq mwngz faenyiengj nit, yienghneix gij nit mwngz couh noix dingz ndeu lo!” Daxmeh dingq gou baenz- neix gangj, riu ndaej engq van lo.

Faenyiengj nit, sawj gou caeuq daxmeh mbouj caiq gamjdaengz nit; faenyiengj nit, seizdoeng caiq nit hix miz cingzraeuj.

(sam nienzgaep Cwngz Gezboz)