Ndwen gonq 27 hauh, Gungcinghdonz Bahmaj Yauzcuz Swciyen Veijyenzvei aen “Ranz Iq Gyaez” daih’it youq Yendung Cunghyoz biengj baiz.

Gungcinghdonz “Ranz Iq Gyaez” dwg youz Bahmaj Yendonzveij comz ngaenz 2 fanh lai maenz gag guh aen hanghmoeg binjbaiz fuengz nyezcauq famhcoih he, baengh yanghcin aen hagdangz miz ciengzdieg、gyausiz, youz Yendonzveij doengjit boiq densi、gvihsaw、vwnz dij doxgaiqyungh daengj gij neiyungz lij baudaengz sibinz sinhvwnz, caeuqlienz fuengz lwgnyez famhcoih、dwzyuz gyauyuz、sibinz gyoengq hagseng roengzrengz doegsaw、doxgaiq guhcaemz lwgnyez mizyinx daengj.

“Ranz Iq Gyaez” cienmonz vih gyoengq lwgnyez caengz hung haenx, daegbied dwg gyoengq lwgnyez louz youq ndawranz haenx guh aen gangjvanh angqyangz raeujrub he.

（Liengz Sauwnh/梁绍恩）