2016 nienz 12 nyied 24 hauh, Vanzgyangh Mauznanzcuz Swciyen Cangzmeij Yangh gawjbanh gaiq daih’it cietmakmoiz “Cangzmeij gyaeundei·doxiu cimz makmoiz”.

Mbat cietmakmoiz neix baengh Cangzmeij gij daegsaek makmoiz, dawz gij makmoiz canjyez guhhung haenx caeuq haifat lijyouz swhyenz giethab hwnjdaeuj, gawjbanh baenzroix hoed- heux swnghdai caeuq vwnzva song aen hozdung cawjdaez hung neix. Hozdung neiyungz miz ingj siengq sij saw、vwnzyi biujyienj、cien vunz cimz mak、cimz gijgwn ndei gwn、gai nungz fu canjbinj caeuq vanjvei feizdong daengj, neiyungz fungfouq raixcaix, yinx ndaej baenz cien hekyouz gvaqdaeuj.

Ciuq cam rox, dangqnaj Cangzmeij Yangh ndaem makmoiz 6000 lai moux, moix bi canjlieng 600 fanh goenggaen, canjciz daih’iek 1500 fanh maenz.

(Veiz Yui/韦 睿）