Bonjbauq siusik(gicej Cau Dwzfeih) 2016 nienz 12 nyied 30 hauh, Namzningz Si banh aen yizsi hawj baiz Namzningz Si ndaej “aen si guhyiengh minzcuz doxgiet cinbu daengx guek”, Swcigih Dungjcanbu fubucangj Lij Yinzyaz, Swcigih Minzcunghveij fucujyin Couh Gen, Swcigih Dangjveij Senhconzbu fusinzsiyenz Vangz Yinzlungz, Namzningz Siveij fusuhgi Fungz Yozginh daengj camgya hawj baiz yizsi.

Couh Gen cujciz hawj baiz yizsi, caemhcaiq ndaejdaengz Guekgya Minzveij dak hawj de fat mbaw baiz “aen si guhyiengh minzcuz doxgiet cinbu daengx guek” hawj Namzningz Si.

Gwnz hoih, Hwngzyen Yinzminz Cwngfuj、 Namzningz Si Swhfan Hagdangz Fusuz Siujyoz、 Cunghvaz Lu Segih faenbied guh cauxlaeb minzcuz doxgiet guhhong gingniemh doxgyau gangjvah.

Gaenh bi neix daeuj, Namzningz Si laebdin gihcwngz saedsaeh, gaenxmaenx cauxmoq saedguh, yungh bingzdaiz caidij, netsaed doicaenh cauxlaeb hozdung haeuj gihgvanh、 giyez、 segih、 yanghcin、 hagdangz、 gyaranz、 dieg gaicawx、 dieg cunghgyau “bet haeuj” hozdung, dawz hong cauxlaeb minzcuz doxgiet cinbu daengx si guh ndaej miz sing miz saek, miz denjhingz miz gingniemh. Baenz ciengz baenz ciengz hozdung, baenz hangh baenz hangh cwngcwz langhbaij le Namzningz Si fuk veh huzndei “minzcuz doxgiet daengx ranz caen”.