2016 nienz 12 nyied 29 hauh, Liujcouh Si Yungzsuij Myauzcuz Swciyen gawjhengz Yienh Aenvenz Hezvei laebbaenz 30 hopbi angqhoh vanjvei, Yienh Aenvenz Hezvei doihdaiqbiuj diuq foux Myauzcuz 《Daihgya Daeuj Caijdangz》；Anhcuiz Yangh doihvenz diuz go《Roeg Gizyij》；Yienh Minzcuz Gauhcungh diuq foux 《Myauzcuz Daenj Haiz Moq》；Anhdai Yangh Linzdung Cunh doihvenz diuq foux 《Heuhhemq Raemhheu》daengj cezmuz ndei yawj haenx doxlwnz yienj, ciengqciengq diuqdiuq coux bi moq.

(Lungz Dauh/龙 涛)