Mbwn gvengqgvet, rumz cififi, cingq dwg seiz ndei cuengq yiuhrumz.

Aen yiuhrumz gyaeundei he cingq youq haenzdah hawj bouxcawj de cuengq.

Yiuhrumz baenz di baenz di mbin hwnj sang, sang gvaq mbungq- mbaj, sang gvaq duzroeg, vaiq daemj deng fwj lo!

Gyoengq lwgnyez cungj ngiengx gyaeuj yawj de, haenh de ak. Yiuhrumz baez dingq, engq miz rengz lo, de angq dwk bi aenndang de, siengj mbin ndaej engq sang.

Hoeng gig vaiq, yiuhrumz raen swhgeij caiq hix mbouj miz banhfap mbin ndaej sang lo. Laxlawz, diuz- sienq ndaw fwngz bouxcawj de cingq rag dawz de. Seizde, duz roeglaej- diuqmbwn he daj henz ndang de mbin gvaq. Yiuhrumz ganjgip hemq naeuz:“Dahnuengx roeglaejdiuq- mbwn, cingj mwngz bangbang gou ba! Cingj mwngz dot gat diuz sienq cug gou haenx, gou siengj mbin ndaej lumj mwngz yienghneix sang.” Roeglaejdiuqmbwn mbin gvaqdaeuj, bang yiuhrumz ding gat diuzsienq. Dingjlingz, raq rumzhung he bongj daeuj, yiuhrumz riengz roeglaejdiuq- mbwn doxcaez mbin hwnj sang.

“Mbouj miz doxgaiq ragdawz caen ndei ha!” Yiuhrumz vah caengz gangj sat, sawqmwh rumz iq lo. Mbouj miz rengz diuzsienq ragdawz, yiuhrumz caiq hix gaemhanh mbouj ndaej aenndang swhgeij, bibi buengqbuengq doek roengz gyang dah bae, riengz raemx lae bae lo.

(Cau Hojyen)