Daxbuz gou roekcib lai bi lo, itcig mbaet gwn mbaet yungh.

Miz ngoenz ndeu, geuvaq gou sik lo, gou ngaeq daxmeh cawx geu moq he hawj gou. Daxbuz naeuz: “Geu vaq neix lij moq, cij sik aen congh he, fongfong lij daenj ndaej.”

Daxbuz ra daeuj vengq baengzva he, gaem faggeuz lingzgiuj daet dwk. Gou cam daxbuz:“Mwngz daet gij- maz?” Daxbuz sing iq naeuz: “Gaej cauz, yaep he mwngz couh rox lo.” Fagcim youq ndaw fwngz daxbuz hwnjhwnj roengzroengz, duzmwi dwg- gyaez he yienh okdaeuj lo. “Ndei lai lo, daxbuz rox bienq ‘fapswd’!” Gou daenj hwnj geu vaq fong ndei haenx, ndwn youq baihnaj aengingq angq dwk naeuz:“Caen gyaeundei!” Daxbuz riu naeuz:“Baezlaeng gaej doengh mbouj doengh couh vut gij- neix、vut gijhaenx, gwndaenj ndei le hix yaek mbaet gwn mbaet yungh ha.”

(ngeih nienzgaep Vangz Vwnzhanz)