Gou bauqmingz camgya mehmbwk 60 mij beij buet hagdangz yindungvei. Ging- gvaq ndwen seizgan he gyagiengz lienh buet, gou buet ndaej yied daeuj yied vaiq. Mwh siujcuj beij buet, gou ndaej daih’it mingz haeuj gezsai bae.

Gezsai hainduj lo. Gou buekmingh buet baenaj. Yi, gij doiqsouj ngoenzneix baenz- lawz baenzneix ak ha, gou yungh caenh gij rengz gou buet, cij baiz youq daihsam boux. 5 mij doeklaeng, youh miz boux doengzhag he mauhgvaq gou. Ai, gou cij ndaej daihseiq mingz, ndawsim caen nanzsouh ha.

Cigdaengz cuengqhag, gou lij doeknaiq gag gangj gag naeuz. Daxmeh riu dwk doiq gou naeuz: “Siujveiz ha, mwngz roengzrengz gvaq, buekguh gvaq, couh gaenq hingz lo, gaej dawz baizmingz yawj ndaej daiq youqgaenj. Youq ndawsim daxmeh, mwngz dwg ceiq ak!” Gou dingq le, simcingz sikhaek ndei haujlai lo. Daxmeh gangj ndaej deng, ndwen lai seizgan neix, gou moix ngoenz genhciz lienh buet, youq mwh doxdax, gou buekmingh bae buet, mbouj miz gijmaz ienqhoij lo. Buekguh couhdwg hingz.

(ngeih nienzgaep Loz Veiz)