Mboengqneix, Dwzbauj Yen youq Minzcuz Vwnzva Cungsim Gvangjcangz banh Fwencuengh dox- dax hozdung, miz 95 aen doihfwen bauqmingz camgya doxdax, miz fanh boux doxhwnj gyoengq boux gyaez fwen daengz yienhciengz yawjngonz, dwg aen yienh neix baez eu fwen doxdax lizsij doxdaeuj doihfwen camgya、 bouxyawj yawjngonz ceiq lai he.

Baez doxdax neix mboujdan miz canghfwen aen yienh neix, lij miz gyoengq canghfwen Yougyangh Gih、 Denzyangz Yen、 Cingsih Si、 Denh- dwngj Yen daengj yienhgih daengz ciengz guh doxdax dem. Doxdax faen cosaiq、 fuksaiq caeuq gietsaiq sam duenh gungh guh 6 ngoenz.

Doxdax yienhciengz, gyoengq canghfwen gak doihfwen hopheux Cibbet Gaiq Roek Cung Cienzhoih cingsaenz cawjdaez, yungh gij fwen ndeidingq、 nyuenz miz neix. Danq- haenh leih minz cwngcwz dangj、giengiet hoenxhingz ciengz ciengq vut gungz gunggeng、 veh yienghsiengq moq seveicujyi lajmbanj moq caeuq Dwzbauj gyaeundei daengj gwnz- biengz huzndei funghsang moq, ciengqyiengj siengjmuengh Cungguek.

Doenggvaq baez hozdung neix, mboujdan fungfouq gij cingsaenz vwnzva saedceij vunzlai, coicaenh minzcuz doxgiet、 gwnzbiengz huzndei onjdingh、 ginghci hoenghvuengh hwngfat, lij ndaej daezsang gak dieg beksingq roxnyinh vwnzva minzcuz youqgaenj, hawj vwnzva minzcuz maenhndei ndaej engq ndei swnjcienz、 vatcimh、 baujhoh caeuq hwngfat.(Nungz Yungjfang)