Gaenh bi neix daeuj, Yungzsuij Myauzcuz Swciyen gyarengz baujhoh vwnzva minzcuz, aeu baujhoh vwnzva Myauzcuz gvihaeuj gij gvaengxlaengx aen yienh ginghci hwngfat bae, gig yawjnaek baujhoh vwnzva Myauzcuz, vatcimh gij swhyenz vwnzva Myauz- cuz, dungjcouz gveihva baujhoh, guhndei giekdaej sezsih hwnjguh, rengzrwd doidoengh ndaw yienh ginghci hwngfat.

It dwg laebcaez hezdiuz gihci. Gyagiengz lingjdauj caeuq hezdiuz hong baujhoh caeuq hwngfat vwnzva Myauzcuz, dawz de gvihaeuj gij anbaiz youqgaenj ngoenznaengz bae, dingh- mingz yinvu, doeksaed cwzyin; okdaiz gij cijdaujsing vwnzgen, sonyinx gak aen hanghmoeg saedhengz cawjdaej bumwnz daj mwh hanghmoeg luncwng cungfaen ngeixnaemj gij daegbied iugouz baujhoh caeuq hwngfat vwnzva minzcuz, saedbauj hong vwnzva minzcuz hwnjguh netsaed guh caemhcaiq aeu ndaej cingzyauq.

Ngeih dwg aeu denjhingz guhyiengh sonyinx. Ciuq dieg bae guh, doiq vwnzva Myauzcuz guh cinjdeng dinghvih、 gohyoz luncwng, gaengawq daegsaek bonjfaenh, giethab dangdieg ginghci sevei hwngfat lohnaemj、 gohyoz ceiqdingh gij gveihva baujhoh caeuq hwngfat vwnzva minzcuz, yiemzgek ciuq gveihva guh baujhoh caeuq haifat.

Sam dwg gyalai bangfuz ligdoh. Gak bumwnz mboujduenh gyalai bued roengz ligdoh doengzseiz, Youq hanghmoeg、ngaenzcienz、 gisuz daengj fuengmienh baumaenh dox boiqhab，cungfaen cingjhab swhyenz, saedyienh gak bumwnz swhyenz hableix mizyauq boiqbaij; aeu gaen- gawq bumwnz ciznwngz, daj daengx- buenz bae aeu bumwnz caez guh, saedbauj cingjdaej doicaenh; dawz vwnzva Myauzcuz hwnjguh caeuq minzcuz doxgiet cinbu aenmbanj guhyiengh cauxlaeb hozdung、 laj- mbanj gyaeundei hwnjguh、 minzcuz lijyouz ginghci haifat daengj giethab hwnjdaeuj, aeu aenmbanj daegsaek hwnjguh guh bingzdaiz, aeu seveicujyi lajmbanj moq hwnjguh caeuq lijyouz canjnieb hwngfat hanghmoeg guh caidij, dungjcouz anbaiz、 gaenxmaenx doicaenh, gyonjcomz ngaenzcienz banh saehhung, cungfaen diuhdoengh gij cizgizsing gyoengq ganbu ginz- cung, doengzcaez roengzrengz doi- caenh hwnjguh vwnzva siujsoq minz- cuz.

(Moz Siujlenz/莫小莲)