●Mboengqneix, Guengj- doeng Cinghlenz veijyenz bang vunz he bae daengz Cauhbingz Yen Vangzyauz Cin Sinhcai Siujyoz, giensoengq 8 fanh maenz ngaenz caeuq doxgaiq hagsib yungh hawj ca mbouj lai bak boux cungh siuj hagseng hagsib ndei、ranzgungzhoj haenx, gujli gyoengqde ndeindei hagsib, coglaeng guh boux vunz miz yungh he.

(Liuz Feih Cinz Gen)

●Bineix doxdaeuj, Yinh- cwngz Yen aeu gij guhhong moegbiu “hopheux banggungz gaem dangjgen, gaem ndei dangjgen coicaenh vut gungz”, laebdin saedsaeh, aeu hwngfat ciennieb hozcozse guh diemj- cabhaeuj, aeu dangjcihbu guh haedsim, gaenxmaenx damqra gij vunqsik moq cingcinj banggungz “dangjcihbu + hozcozse + ranz- gungzhoj”, mboujdan daezsang le gij canjnieb banggungz yauliz, lij gaijgez le gij vwndiz “boux daiqdaeuz” mbouj gaeuq caeuq “gij cawjeiq doekdingh” mbouj geng.

( Mungz Gyahho )

●Bineix doxdaeuj, Loz- cwngz Mulaujcuz Swciyen gaenx- maenx sonyinx mbangj nungzyez gyaeujlungz giyez dangdieg, doenggvaq hailaeb cehgenh guh- hong geiqciet、 hong gyoeb gienh daengj banhfap, gvangqlangh yinx vunzlai gungzhoj dangdieg haeuj giyez dajgoeng ra cienz, gawq coicaenh vunzlai gungzhoj vaiqdi vut gungz baenz fouq, youh gaijgez gij vwndiz mbangj giyez、 nungzminz hozcozse goengrengz mbouj gaeuq.

(Vuz Danhhoz)

●Geij bi neix daeuj, Lungz- swng Gak Cuz Swciyen doiq gyauyuz saehnieb bued roengz ligdoh mboujduenh gyagiengz, mboujduenh giengzvaq gij ciz- nwngz cwngfuj banh gyauyuz, haenqrengz haeujcoengh caeuq bangcoh ngaenzcienz、yinxhaeuj vunzcaiz、hanghmoeg bued roengz daengj. Doenggvaq miz bouhloh haiguh hong bujdungh gauhcungh gocwngz gaijgwz, yungh gij fuengsik “cingj haeujdaeuj, byaij okbae”, yiengq hagdangz okmingz hagsib gingniemh ndei, daengx yienh gyauyuz saehnieb mbouj- duenh aeundaej cingzcik ndei.

(Banh Cisiengz)