Gou dwg boux yinx doegsaw he. Moix ngoenz, gou cungj gaemdawz bonjsaw gig mizyinx bae doeg, aenvih youq ndaw haijsaw youz, cihsiz gou couh yied daeuj yied gvangqlangh. Moix baez daengz ngoenzsinghgiz, gou engq dwg youq ndaw sawhaij youz lumz dauqma.

Miz baez ndeu, daxmeh daiq gou bae duzsuhgvanj yawj saw. Gou youq gungxgok ra aen diegnaengh he naengh roengzdaeuj, yawj seiqhenz mbat he, yawjraen miz mbangj vunz goemq bak yawj sawmanva, miz mbangj vunz nyaeuq bwnda, fwngz daemx hangz, lumj dwg naemj vwndiz nei, lij miz mbangj vunz dingq daxmeh gangj gojgaeq ne! Yawjraen gyoengqde yienghneix ciensim, gou hix sikhaek dawz bonj saw he okdaeuj yawj. Gvaq yaep he, gou hix yawj haeujmaez lo, lumjbaenz youz daengz ndawgyang sawhaij bae, caeuq dujva gangj vah, caeuq go- nywj doxdongx, caeuq duzbya guh yahndoj……

Sawqmwh, daxmeh yaeng’yaeng bek gou naeuz:“Seizgan daengz lo!” Gou cij hoizsaenz gvaqdaeuj, yawj- yawj soujbyauj naeuz:“Ya, baenzlai gvaiz ha!” Laxlawz, mbouj rox mbouj nyinh gaenq daengz seizgan gwn haeux lo, gou cij sij mbouj ndaej cuengq saw roengz caeuq daxmeh byaij ok duzsuhgvanj.

Doegsaw, couh lumj gwn dangz yienghhaenx vandiemz, lumj gwn yinjliu yienghhaenx cwxcaih, doeg- saw, cij dwg sawj gou ceiq angq- yangz.

(sam nienzgaep Vangz Vanlij)