Baengzyoux gou bineix 10 bi lo. De bingzseiz gyaez daenj geu vunj nding ndeu, mwh riu, gwnz naj miz song aen cenjlaeuj, dwggyaez raixcaix.

Baengzyoux gou baez ndat- heiq couh mbouj caeuq gou ndei lo. Geiq ndaej ngoenzhaenx, gou bae ranz de ra de itheij bae youzbyaij, baengzyoux gou cingq youq ndaw ranz yawj saw. Gou sing hung hemq de, de cix han naeuz:“Gou cingq yawj saw, mbouj bae lo, mwngz swhgeij bae ba!”Gou dingq le, ndawsim gig ndatheiq, cienqndang baema lo.

Ngoenz daihngeih, gou caiq bae ra baengzyoux gou. De dingq- nyi sing hemq gou couh ndatheiq gangj dwk:“Gou mbouj caeuq mwngz ndei lo.” Gou hix ndatheiq gangj dwk:“Gou hix mbouj caeuq mwngz ndei lo.” Gangj sat couh baema ranz lo. Doeklaeng, baengzyoux gou yawj saw sat le, youh daeuj ranz gou ra gou lo, de doiq gou gangj:“Doiq mbouj hwnj, song ngoenz neix gou mbouj wnggai yienghneix doiq mwngz, seizneix raeuz itheij bae gunghyenz guhcaemz ba!” Dingq baengzyoux gou gangj sat le, gou hix mbouj ndatheiq lo, caeuq de itheij bae guhcaemz lo.

Neix couhdwg baengzyoux gou Dahhoengz, dou miz seiz gig doxndei, hoeng miz seiz hix nauh baetniuj.

（指导老师：黄教莲）