“Gou damzdingz byaij daengz baihnaj ‘hagseng’, daj baihswix yawj daengz baihgvaz baez he. ‘Hagseng’ gou lumj rox gij simsaeh gou, bouxboux daegbied dingqvah, naengh ndaej cingqlili, dinghdingh dingq gou hwnjdangz. Gou yungh faenjbit youq gwnz hwzbanj iq sij cih ‘hwnj’, ciepdwk doeg okdaeuj. Yienzhaeuh gou youh nyaenj aensing, yungh gij sing youh iq youh sep doeg baez he, neix dwg biujsi lwgvunzbaengz mbouj rox gangj vah haenx cingq riengz gou doeg. Gou youh sij cih ‘hag’ he, doeg geij baez le, yienzhaeuh hawj ‘hagseng’ aeu ‘hwnj hag’ song cih neix sij daengz bonjcozyez bae. riengzlaeng, gou cuengq roengz diuzbien hwnjdangz, song fwngz cuengq baihlaeng, gungj aenhwet, baenz boux baenz boux bae genjcaz. Lumjbaenz baihnaj lwgvunzbaengz caen cuengq miz cozyez nei, cingq caj gou bae genjcaz. Gou fuz gaiqfwngz lwg lwgvunzbaengz he, lumjbaenz cingq bang de gaij cih sij loek haenx, aenbak lij naeuz:‘Wnggai yienghneix sij, gaej sij loek lo. Geiq ndaej caengz?’ Ciepdwk gou youh yungh sing iqsep naeuz:‘Geiq ndaej lo.’ Gou muenxeiq dwk ngaekngaek gyaeuj. Sawqmwh, aen’gyaeuj boux‘hagseng’ he nyeng lo, gou sikhaek byaij daengz henz ndang de, yungh gij haeujheiq lauxsae naeuz: ‘Hwnjdangz aeu ciensim dingq gangj, gaej guh siujdungcoz, gaej baiqninz. Rox lwi?’ Gangj sat, gou fuz cingq lwgvunz- baengz, youh nyaenj aensing naeuz: ‘Lauxsae, gou loek lo, baezlaeng hwnjdangz gou itdingh ciensim dingq.’

“Yaek roengzdangz lo, gou lij sij mbouj ndaej biek gij ‘hagseng’ gou, gou lumjbaenz dingqnyi gyoengq lwgvunzbaengz cingq naeuz:‘Laux- sae, caiqraen’.”

(3)