Baengzyoux gou heuh Siujmingz, bineix 10 bi lo. Bohmeh de youq rog guhhong, moix ndwen cungj geiq ngaenz ma hawj de. Hoeng de mbouj luenh yungh ngaenz, gou heuh de guh “baengzyoux ged”.

Miz ngoenz he, gou caeuq baengzyoux gou bae haw cawx byaek, baengzyoux gou cawx byaek seiz sien cam gvaq roek caet dan byaek, dan lawz gyaqcienz cienh, de couh caeuq dan haenx cawx, cawx seiz, de lij gangjgyaq dem, moix baez cungj gangjgyaq ndaej noix gak baj ngaenz. Baenzyiengh gangj gyaqcienz, baengzyoux gou dwg mbouj dwg boux “nyaetsij”? Gou couh heuh de guh baengzyoux“ged”. Baengzyoux gou dingq le, di ndeu cungj mbouj ndatheiq,

Song ngoenz gaxgonq, ranznden gou miz boux goenggeq ndeu, baenz bingh youq ndaw yihyen, mbouj miz vunz ciuqgoq. Baengzyoux gou rox le, couh bae yihyen ciuqgoq goenggeq, cawx haujlai mak bae hawj de gwn. Yienghneix mbouj gangj, baengzyoux gou lij hawj 50 maenz ngaenz hawj goenggeq. Baengzyoux “ged” gou, seizneix di ndeu cungj mbouj “ged” lo.

Neix couhdwg baengzyoux gou, boux vunz simsienh simndei ndeu.

(指导老师:黄教莲)