11 nyied 19 hauh, Lungzswng Gak Cuz Swciyen gaiq daeuz aenban son’gyauq dinfwngz labnyumx ndangdaenj Yauzcuz(Hungzyauz) haiban, aen ban neix iucingj Suz Giuzmei bouxswnjcienz daibyaujsing swcigih gaep feihyiz hanghmoeg(ndangdaenj Yauzcuz) aen yienh neix daeuj “fwngz gaem fwngz” sonhag, 40 lai boux mehmbwk Hungzyauz daj Lungzciz Cin、 Swsuij Yangh aen yienh neix daeuj haenx camgya baez son’gyauq guh aen singhgiz ndeu neix.

Gaenh bi neix daeuj, aen yienh neix vwnzva bumwnz doenggvaq vatcimh caeuq gungganq bouxswnjcienz daibyaujsing ndangdaenj siujsoq minzcuz、 haiguh son’gyauq hagsib labnyumx caeuq dajsiuq daengj banhfap, gyalai baujhoh caeuq swnjcienz vwnzva ndangdaenj minzcuz. Ndaw doz dwg Suz Giuzmei son’gyauq mehmbwk Hungzyauz hag dinfwngz labnyumx.(Banh Cisiengz/潘志祥)