●“Cibsam haj” geizgan, Sanhgyangh Dungcuz Swciyen baengh gij ranz Dungcuz、 minzsuz gofoux、 suencaz byasang daengj swhyenz, saed- hengz“fouq beksingq hwng lijyouz”hengzdoengh dajveh, coicaenh vwnzva lijyouz canj- nieb vaiqriengj hwngfat. Bineix 1 daengz 10 nyied, daengx yienh gungh dakdaih hekyouz 630.4 fanh vunzbaez, saedyienh lijyouz gwnzbiengz cungjsouhaeuj 38.4 ik maenz, doengzbeij faenbied demlai 49% caeuq 50%.

(Vangz Yaubangh)

●Siengcouh Yen haeujlaeg haiguh hong gvensim daihlaeng, daj bi 2013 daeuj, Siengcouh Yen vih gaijgez hagseng minzcuz dieggyae hwnj hag hoj vwndiz, bued roengz 41.8 fanh maenz ngaenz, saedhengz hong hagseng naengh ci boujdiep, hagseng yanghcin ngoenzsinghgiz dauq ranz seiz, hawj cidaehhek ciensienq doengjit ciepsoengq mbouj aeu cienz, neix gawq gemjmbaeu gij mbaqrap ndaw ranz, youh hawj hagseng gak minzcuz ancienz dauq ranz, bohmeh cuengqsim.

(Liu Bwnjvei)

●Gunghcwngz Yauzcuz Swciyen laebdin gijndei swh- yenz, gaem ndei daegsaek canjnieb, cungfaen fatok densangh bingzdaiz doidoengh cozyung、 gyaeujlungz giyez caeuq nungzyez hozcoz cujciz daiqdoengh cozyung、 bouxvunz gohgi sonyinx cozyung、 lajmbanj bouxak daiqdaeuz baenz fouq cozyung, diuhdoengh gij gaenx- maenxsingq caeuq rengzcauxguh vunzlai, vih hong vut gungz gunggeng dwkroengz giekdaej maenhndei.

(Liengz Veih Yangz Gunh)

●Ningzmingz Yen dwg daengx guek haeuxgwn swngh- canj senhcin yienh. Bineix buenq bi laeng, gyoengq bouxguhnaz aen yienh neix haenqrengz hwngfat dajndaem miuzlaeng caetliengh ndei cabgyau neix, daengx yienh dajndaem miuzlaeng mienhcik daengz 11 fanh moux. Seizneix daengx yienh miuzlaeng ndaej fungsou, gujsuenq ndaej haeux daengz 4.5 fanh dun.

(Couh Yizgangh Banh Sin’anh)