Gaenh geij bi daeuj，Lingzyinz Yenveij、Yen Yinzminz Cwngfuj genhciz dawz nungzyez canjyezva dangguh gij baenghgauq hwngfat nungzyez daihneix、demlai boux- guhnaz souhaeuj，doenggvaq dajcauh nungzyez、 linzyez、 doenghduz hwng- fat sifan gihdi，roengzsim gungganq doxgaiq reihnaz binjbaiz、 gungganq bangfuz nungzyez gyaeujlungz giyez、 conhyez hozcoz ginghci cujciz hwngfat daengj，gyavaiq yamqdin doicaenh nungzyez daihneix canjyezva hwngfat.

Aen yienh neix genhciz dawz gij canjnieb miz daegsaek dangguh hangh canloz yinvu hungnaek ndeu，youq mwh yiemzgek baujhoh gih- bwnj reihnaz、 baujmaenh haeuxgwn ancienz， doengzseiz roengzrengz daj- cauh nungzyez、 linzyez、 doenghduz hwngfat sifan gihdi，gyavaiq doicaenh mbawcaz、 youzcaz、 nonsei daengj 3 aen 10 fanh moux canjlieng sang sifan gihdi hwnjguh， caeuq vaiz、 yiengz、 douq、duznouhaet daengj sifangih hwnjguh. Roengzrengz dajcauh “it yangh it yiengh， it mbanj it nieb” gunghcwngz， rengzrwd coicaenh moix aen yanghcin aeu miz aen 200-400 moux doxhwnj baenz benq sifan gihdi ndeu， gyalai daegsaek nungzyez、 linzyez、 doenghduz canjbinj gveih- moz， youhva nungzyez、 linzyez、 doenghduz canjbinj gezgou，cauxbaenz “yanghyangh miz canjnieb， mbanj- mbanj miz diemjrongh” canjnieb hwngfat gwzgiz moq. Linghvaih，lij roengzrengz saedhengz nungzyez canj- yezva “gyaeujlungz gunghcwngz” caeuq “bouxdaiqdaeuz lajmbanj gunghcwngz”， haenqrengz bangfuz nungzyez、 linzyez、 doenghduz gyaeujlungz giyez caeuq bouxguhnaz conhyez hozcoz cujciz，gungganq buek vunz bouxfucwz gihcwngz dangj cujciz、bouxguhnaz gisuzyenz、 dajndaem dajciengx lauxsouj daengj lajmbanj bienqfouq bouxdaiqdaeuz ndeu，roengzrengz daezsang gij hawciengz rengzdoxceng caeuq gyonj- gyoeb yauqik “yanghyangh miz canj- nieb， mbanjmbanj miz diemjrongh” canjnieb neix.

（Vangz Binh/黄 斌）