Miz ngoenz ndeu, gou cam daxmeh:“Vihmaz daeggo ndaej guhcaemz denswj youzhi, gou cix mbouj ndaej ne?” Daxmeh couh hawj gou guhcaemz baez ndeu, neix dwg gou seng daeuj baez daih’it ndaej guhcaemz denswj youzhi. Daxmeh gvidingh gek ngoenz he guhcaemz baez he, baez he ceiq lai ndaej guhcaemz 20 faencung.

Ngamq hainduj gou lij hanh- caeq ndaej swhgeij, doeklaeng couh mbouj ndaej lo, gou ngoenz- ngoenz cungj siengj guhcaem. Daxmeh naeuz:“Aen singhgiz neix mbouj cinj guhcaemz youzhi lo.” Gou rox daej hix mbouj miz yungh. Daxmeh naeuz:“Mwngz gaenq maez haeujbae lo, caiq yienghneix roengzbae, haengjdingh nguh hag- sib.” Gou geiqmaenh gij vah daxmeh lo.

Seizneix gou hwnj ngeih nienzgaep lo, lij guhcaemz denswj youzhi. Mboujgvaq, cij dwg ngoenzciet ngoenz gyajgeiz cij ndaej guhcaemz yaep he.

(ngeih nienzgaep Dangz Yizloz)