●Mboengqneix, Cungzcoj Si Gyanghcouh Gih Minzcuzgiz gaenxmaenx boiqhab mizgven bumwnz guh ndei hong fanhoiz caeuq saemjdingh baizroen Dieg- moq Singznamz caeuq Diegmoq Li’gyangh, gungh guhsat baizroen 49 diuz. Baizroen guhsat le gaek miz gyoepyaem Sawgun、 Sawgun caeuq Sawcuengh, gvaqlaeng, aen giz neix yaek laebdaeb dawz Sawcuengh yungh daengz lingjyiz wnq bae.

(Veiz Veigenh)

●Mboengqneix, Gunghcwngz Yauzcuz Swciyen Yinzminz Genj- cazyen bae Sihlingj Daujbingz Siujyoz haiguh “fuengz famhcoih、doiswz ndawhag bauqlig” fapceih haeuj hagdangz hozdung. Doeng- gvaq siujbinj、 heiqcingzgingj、 ciengjdap faplwd cihsiz daengj hingzsik siujhagseng haengjgyaez haenx, vih daengx hagdangz 200 lai boux lauxsae hagseng yienj ciengz fapceih cawjdaez hozdung biujyienj he.

(Couh Binjciuh Couh Si- dungh)

●Mboengqneix, Hocouh Si Bazbu Gih Minzcunghgiz youq Yinzyi Cin Sunghgauh Cunh Sunghgauh Siujyoz cujciz vunz- mbanj aen mbanj neix yawjngonz 《Yaengx Fwngz Hwnjdaeuj》 yungh Vahyauz boiqyaem caeuq 《Denh- ginz》 yungh Vahcuengh boiqyaem haenx. Doenggvaq boqcuengq goeng’ik denyingj boiq miz vah siujsoq minzcuz cuengqingj hoz- dung, doiq coicaenh minzcuz huzndei nem gak minzcuz doxgyau doxyungz、 cauxlaeb gij saedceij lai cungj vah doxhuz doxndei miz gaenxmaenx cozyung.

(Mwz Ginjswngh)

●Bineix daeuj, Namzningz Si Yunghningz Gih Bwzci Cin Dunz- caz Cunh doenggvaq laebbaenz dajndaem dajciengx ciennieb hozcozse, dawz gij ndoengbya、reihnaz vunzmbanj Dunzcaz Cunh caebcomz hwnjdaeuj, doengjit gisuz、 doengjit guenjleix、 doengjit soucawx, ndaej daengz yauqik、 leih’ik ceiq sang, bienqbaenz conzdungj nungzyez cienjbienq baenz gij denjhingz nungzyez daihneix, vih Dunzcaz Cunh damqra ok diuz roen hwngfat nungzyez daihneix canjlieng sang、 gauhyau、 caetliengh ndei he, doengzseiz hix dwg diuz roen canjniebvaq banggungz he.

(Huz Gvanghleij)