Mboengqneix, Denzlinz Yen caeuq Denzyangz Yen lienzhab youq Denzyangz Yen Denzcouh Gujcwngz banh song yienh Fwencuengh lienz- vuen vanjvei, gyoengq canghfwen Denzlinz Yen caeuq gyoengq cangh- fwen Denzyangz Yen caemh daiz yienj heiq, yungh Fwencuengh nyuenz miz neix ciengqyiengj seveicujyi hwzsinh gyacizgvanh, danqciengq minzcuz doxgiet cinbu.

Yaem’wenq Fwencuengh ndei- dingq goksadsad, hawj bouxyawj roxnyinh gij cingz beksingq Mbanj- cuengh yiedcingz gyaez hek. Hoihfwen cienzbouh yungh Vahcuengh ciengq, miz doiq fwen、 siujcuj ciengq、 habciengq daengj lai cungj hingzsik, faenbaenz hauqswnh、 aeueiq、 sim- unq、sienh seiq aen biencieng.

Gij fwen 《Gamjdoengh Vunz》《ndiepgyaez》《Hauqsim》daengj cezmuz youz canghfwen Denzyangz Yen ciengq haenx, langhbaij le beksingq Mbanjcuengh maqmuengh saedceij gyaeundei coglaeng. Cangh- fwen Denzlinz Yen ciengq gij fwen 《Aeueiq Bouxlaux》《Cingqheiq》《Gekleiz Doxndei》aeu seveicujyi hwzsinh gyacizgvanh yungzhaeuj ndaw fwen bae, caux ok le gij heiqfaenh ndei daengx gwnzbiengz gingq daudwz gangj swnzsienh. Daengx daiz vanjvei yienh’ok gij gyacizgvanh caeuq gij cingsaenz gyaez guek beksingq Bouxcuengh, ndaej daengz bouxyawj bekfwngz haenh.

Baez hoihfwen lienzvuen hozdung neix, coicaenh Denzlinz、 Denzyangz song yienh doxgyau yisuz vwnzva Fwencuengh, doidoengh vatcimh bauj- hoh caeuq swnjcienz hwngfat dieg minzcuz vwnzva maenhndei, doengz- seiz demlai song aen yienh gak cuz beksingq baedauq、 doxgyau、 dox- yungz.

(Banh Sauginh/潘少君)