●Mboengqneix, Dwzbauj Yen ndaej Swcigih Vwnzlenz ancoh baenz aen cwngheuh ndei “Guengjsae aen mbanj vwnzyi daegsaek”(aen mbanj Heiq- cuengh、 aen mbanj fwen),ciuq cam rox, vih caenh’itbouh swnjcienz vwnzva conzdungj maenhndei, gungganq dajcauh Guengjsae daegsaek vwnzyi binjbaiz, doicaenh Guengjsae vwnzyi hoenghvuengh hwngfat, bi 2016, Swcigih Vwnzlenz yiengq daengx gih gak yienh(si、gih) cujciz haiguh hong bingz- senj ancoh Guengjsae aen mbanj vwnzyi daegsaek.

(Nungz Yungjfang)

●Bineix Yungzsuij Dalang Cin cungfaen leihyungh gijndei swhyenz dangdieg, sonyinx ranzgungzhoj hwngfat ndoengfaex dajciengx、 byaek byasang、 ndaem ywdoj daengj canjnieb, doenggvaq gij fuengsik “it mbanj it yiengh” haenqrengz bangfuz hwngfat bouxguhnaz conhyez doxgap cujciz, bang gaijgez gij hojnanz ngaenzcienz、 gisuz、 hawciengz siugai daengj ranzgungzhoj youq guhhong seiz bungz daengz haenx, unglaeb daeg- saek binjbaiz, bangcoh boux- guhnaz gungzhoj vut gungz.

(Veiz Swyouz)

●Daj bi 2013 doxdaeuj, Bingzgoj Yen nyinhcaen lozsiz baihsae daih haifat suiqsou cwngcwz, gyoepsuenq vih Bingzgoj Yen Singznanz Bakhuq Youjhan Gunghswh、 Guengjsae Bingzgoj Lajmbanj Hozcoz Ngaenzhangz daengj 6 aen giyez gemjmienx giyez sojdwzsui 3309 fanh maenz, hawj ik hawsingz giekdaej sezsih、ginhyungz caeuq sanghvu fuzvu daengj hangz- nieb. Baihsae daih haifat suiqsou youhvei cwngcwz vih giyez daiqdaeuj leih’ik, gemj- mienx suiq hoengzleih baenz gij doenghlig gunghswh hwngfat.

(Vuz Anhginh)

●10 nyied 27 hauh, gaiq daeuz Guengjsae citheiq baij- yienj youq Ginhcouh Si yienj sat. 35 ciengz yienjok dawz mbangj feihyiz vwnzva Guengj- sae buen hwnj gwnz daizheiq yienj, ndaej daengz bouxyawj angqcoux, youh ndaej gunghawj daihlaeng yenzgiu caeuq hagsib.

(Cangh Ailinz)