Siujmingz gyaez guh haujlai saeh, veh veh、dwk lamzgiuz、rag soujfunghginz……, de gijmaz cungj siengj aeu daih’it mingz, hoeng yienghlawz cungj mbouj miz banhfap guh ndaej ceiq ndei.

Daxboh cam de: “Haemh neix mwngz siengj guh gijmaz?” “Gou siengj veh veh, hoeng ngoenzcog caeksawq soujfunghginz, gou lij aeu lienhlienh soujfunghginz yaep ndeu.” Siujmingz naeuz. Daxboh raen de baenzneix gangj le naeuz:“Yawj daeuj mwngz ngoenzneix gig nyaengq ha. Mboujmiz yietnaiq saek yaep, raeuz daeuj guhcaemz yaep he ba!”

Daxboh dawz daeuj gaem haeuxyangz he, heuh Siujmingz gaem dawz aenlaeuh, yienzhaeuh baez naed baez naed vut haeux- yangz roengz aenlaeuh bae, haeux- yangz cungj swnhleih doek roengz aenlaeuh bae lo.

Daxboh youh dawz gaem haeuxyangz ndeu daeuj, yienz- haeuh cienzbouh cuengq haeux- yangz roengz aenlaeuh bae, doek- laeng haeuxyangz cungj gaz youq gizhaenx, aenlaeuh deng saek lo.

Moix baez cij hag yiengh doxgaiq he, moix baez cungj hag ndaej ndei; hoeng baez he hag doxgaiq daiq lai, dauqfanj gijmaz hix hag mbouj ndei.

(Moz Feih)