Dahsau gyaeundei seizhah riuj geuvunj raez vava loegloeg de biek bae lo, dahsau seizcou gaenxgyaek haenx byaij yamqdin mbaeumbeng yaeng’yaeng daeuj- daengz lajbiengz.

Dahsau seizcou daeujdaengz ndaw suenmak: Baenz aen baenz aen makbingzgoj loh’ok najriu nding’yanyan de, lumj bauq siusik ndei baenzcug hawj vunz nyi; makleiz lumj baenz aen baenz aen daengloengz henj nei, aeu suenmak ciuq ndaej henjrwgrwg.

Dahsau seizcou daeujdaengz suenva: Vagut bi aenndang reuxred de, riengz rumz iq diuqfoux; va- ngaeux gaenq loenq lo, cij lw mbawngaeux rozhenj youq ndaw daemzngaeux.

Dahsau seizcou daeujdaengz ndoengfaex: Mbawfaex goyinzging lumj gim nei loenq youq gwnz dieg, vih daihdeih bu hwnj caengz danjhenj nanwtnwt he; mbawraeu lumj deng mwi dwk gvaq haenx, yienhndaej engqgya nding lo.

Youq ndaw gingjsaek gyaeu- ndei seizcou youzbyaij, ngonz- yawj, baenzlawz mbouj sawj vunz simsangj simsoeng ne? Ha, gingjsaek seizcou hawj vunz maez neix, gou gyaez mwngz!

(sam nienzgaep Vuz Youh)