Ranz gou miz duz meuzhau ndeu, gij bwn gwnz ndang youh hau youh unq, aenda ronghliklik, diuzrieng raezrangh gig dwggyaez!

Duz meuz neix beizheiq unqswnh, de gawq dwggyaez youh dam gwn. Mwh gou gwn haeux, de couh buet gvaqdaeuj, hemq- meumeu, lumj dwg naeuz:“Gou iek lo, gou iek lo, hawj gou gwn di ba……” Gou couh aeu ndoekbya caeuq gyaeujgungq hawj de gwn. Duz meuzhau neix gig diuqbeiz, mwh gwn haeux, de lij gamj bin hwnj gwnz daiz daeuj, yienghneix couh noix mbouj ndaej deng daxbuz moeb lo, meuzhau caen hojlienz ha.

Meuzhau ranz gou gig dwggyaez, gou maqmuengh duz- meuz caeuq gou yienghneix ndangcangq majhung.

(ngeih nienzgaep Cau Yi)