Miz baez ndeu, gou bae bouqvwnzgi cawx vwnzgi.

Gou genj bonj bouhbitgeiq he, aen habcouxbit he caeuq gep gaucat he, bae gyau cienz seiz gou cam daxheiz gai doxgaiq haenx: “Daxheiz, geijlai cienz?”

Daxheiz yawj le, naeuz: “Bonj bouhbitgeiq he 5 maenz, aen habcouxbit he 2.5 maenz, gep gaucat he 0.5 maenz……”

Gou dawz ok 20 maenz ndenq hawj daxheiz. Daxheiz cauj cienz hawj gou le, lij bang gou dawz doxgaiq cang haeuj aen daeh suliu he bae.

Byaij ok bouqvwnzgi bae le, gou geq gij cienz haxbaenh cauj haenx, 1 maenz、2 maenz、3 maenz……，yi, mbouj deng bw, cawx sam yiengh doxgaiq yungh bae 5+2.5+0.5=8(maenz), seizneix baenzlawz lij miz 15 maenz ne? Gou youh geq baez he, couhdwg 15 maenz. Daxheiz lai cauj hawj gou 3 maenz lo.

Gou cingq yaek siengj doiq 3 maenz hawj daxheiz seiz, ndawsim miz mbouj doengz siengjfap dox- hoenx hwnjdaeuj. Cungj siengj- fap he naeuz:“Gaej doiq lo, 3 maenz ngaenz neix ndaej cawx gijgwn daeuj gwn ne!” Lingh cungj siengjfap fanjbuek naeuz:“Mbouj ndaej! Mbouj ndaej! Guh vunz yaek lauxsaed soujsaenq, mwngz lij dwg boux sausenh duiyenz ne!”

Ginggvaq swhsiengj dou- cwngh yaep he, gou buet daengz bouqvwnzgi:“Daxheiz, haxbaenh gou cawx doxgaiq seiz, mwngz wnggai cauj hawj gou 12 maenz, mwngz cix cauj hawj gou 15 maenz, lai hawj gou 3 maenz lo, seizneix gou aeu 3 maenz ngaenz doiq hawj mwngz!”

Daxheiz riuriu le, haenh gou naeuz:“Mwngz caen dwg boux lwgnyez ndei he!”

Gou sim’angq byaij ok bouq- vwnzgi, gamjdaengz mbaw hungz- lingjginh najaek engq nding lo, de lumjbaenz naeuz: “Mwngz dwg boux lwgnyez ndei lauxsaed souj- saenq he!”

(sam nienzgaep Banh Yizcoz)