Miz ngoenz ndeu, Dauzdauz dingqnyi gwnz gai miz boux boh’au he hemq: “Makbingzgoj youh hung youh diemz, 10 ciengwz haeux- yangz vuenh 5 ciengwz makbingz- goj.”

Daxgoeng daek aeu haeuxyangz cuengq ndaw swx, okdou bae vuenh makbingzgoj. Dauzdauz riengz dax- goeng doxcaez okbae lo.

Boh’au dawz haeuxyangz lienz aenswx cuengq gwnz caengh bae caengh, de naeuz:“Cingqndei 6 ciengwz. Caiq caengh aenswx miz geijlai naek mazfanz lai, hixnaengz yienghneix ba, gou sien mbouj cawz aenswx miz geijlai naek bae, ciuq 1 ciengwz haeuxyangz vuenh 0.5 ciengwz makbingzgoj suenq, mwngz gojyij ndaej daengz 0.5×6=3 (ciengwz) makbingzgoj. Gou lienz aenswx caengh gaeuq hawj mwngz 3 ciengwz couh ndaej lo.”

Daxgoeng dingq le, roxnyinh miz dauhleix, couh ngaek gyaeuj doengzeiq lo. Yaep he boh’au couh caengh ndei makbingzgoj lo.

Dauzdauz gyaez doengh’uk haenx mbouj yienghneix riengz daxgoengz doengzeiq, de gaem gaiq faex iq he youq gwnz dieg suenq.

“Daxgoeng, yienghneix vuenh raeuz gwnvi lo!” Dauzdauz naeuz.

Boh’au baez dingq, hozndat naeuz:“Lwgnyez gaej luenh gangj bw!”

Dauzdauz mbouj fug naeuz: “10 ciengwz haeuxyangz vuenh 5 ciengwz makbingzgoj, raeuz gyajciet aenswx naek 1 ciengwz, haeuxyangz naek 9 cienzgwz, wnggai vuenh ndaej 4.5 ciengwz mak- bingzgoj. Hoeng ciuq gij fuengfap mwngz suenq, aenswx caeuq haeuxyangz itgungh 10 ciengwz, wnggai vuenh ndaej makbingzgoj haenx caeuq aenswx naek haenx gungh 5 ciengwz, yienghneix saedcaeq ndaejdaengz makbingzgoj dwg 5-1=4 (ciengwz), mwngz couh noix hawj 4.5-4=0.5 (ciengwz) makbingzgoj lo.”

Boh’au dingq Dauzdauz yienghneix gangj le, najmong dwk ngaem gyaeuj roengzdaeuj, cijndei aeu gij makbingzgoj noix hawj daxgoeng haenx bouj hawj daxgoeng lo. (haj nienzgaep Sung Ginh)