9 nyied 8 hauh, Swcigih Vwnzmingzban、Cungzcoj Si Vwnzmingzveij、Ningzmingz Yenveij、Yen Cwngfuj lienzhab gawjbanh 2016 nienz “bet nyied cibhaj·aen ciet raeuz”, cawjdaez hozdung youq ngamqngamq ndaej lied haeuj seiqgyaiq vwnzva yizcanj mingzlog, Cojgyangh Byaraiz vehdat vwnzva gingjgvanh hwzsinh gih——aen bingzdaiz yawj Byaraiz Ningzmingz haenx gawjbanh.Hozdung aeu “bet nyied cibhaj” ma guhcawj, cungfaen vetok caeuq senhconz ciet bet nyied cibhaj gij vwnzva naeklaeg caeuq neihanz de, yinx gyoengq vunzlai caenh- itbouh rox ciet conzdungj、nyinhdoengz ciet conzdungj、gyaezhaengj ciet conzdungj、gvaq ndei ciet conzdungj、demgiengz gij cingz gyaezguek, coicaenh vunz caeuq swyenz doxndei doxyouq, caux ndei gij fwnveiz sevei.

(Couh Yizgangh /周贻刚）