Wngqcingz

Gou Caeuq Daxboh

Gaxgonq daxboh yinx citien, gou yinx hwnjmuengx. Daxboh aenvih youq gwnz mbonq citien, ceng di deng feizcoemh; gou aenvih ciengz hwnjmuengx guhcaemz dwk youzhi, hagsib cingzcik gig vaiq doek roengzdaeuj. Vihneix daxmeh “gyauyuz” gou caeuq daxboh haujlai baez lo, dou hix roxnyinh swhgeij guh mbouj deng. Yienghneix gou caeuq daxboh wngqcingz: Gaiq gij sibgvenq mbouj ndei bae.

Gvaqlaeng, gou gamduk daxboh, daxboh daezsingj gou, daxmeh dang caizbuenq. Mwh daxboh ienyinx daeuj lo, gou couh heuh de daeuj fujdauj gunghgo gou, gou ne, baez sij sat cozyez, couh siengj hwnjmuengx guhcaemz, mwhde daxboh couh ra geij bonj saw daeuj, caeuq gou doxcaez yawj saw. Miz seiz daxmeh raen dou miz hoengq le, couh heuh dou guh di hongranz, cingjleix suen- byaek, rwed raemx hawj gova, roxnaeuz guh yindung daengj.

Gig vaiq gou caeuq daxboh gaiq ndaej yinx hwnjmuengx caeuq cit- ien bae lo. Gij wngqcingz gou caeuq daxboh dou guh ndaej daengz lo.

(sam nienzgaep Yez Cungh- cwngz)