Ndaw ndoengfaex miz 40 duz noucoengz, gyoengqde doxgyaez dox- huz youq ndaw ndoengfaex gvaq saedceij, miz gijmaz ndei gwn cungj dwg daihgya bingzfaen, soqlai mbouj vi duz lawz.

Miz baez ndeu, 40 duz noucoengz itgungh ra ndaej 260 aen makcoengz, hoeng cungj dwg suenq mbouj ok moix duz noucoengz wnggai baen ndaej geijlai aen makcoengz. Gyoengq noucoengz nyaengq baenz buenq- ngoenz, dungx cungj iek ndaej heuhgugu lo, lij caengz suenq ndaej ok.

Cungj cingzgvang noucoengz baen makcoengz neix, caeux couh deng duz nyaenma ndoj youq baihrog haenx yawj ndaej cingcing cujcuj. Nyaenma byaijngabngab daengz baih- naj gyoengq noucoengz naeuz: “Gijmaz saeh sawj sou baenzneix simgaenj ha?” Caengz caj gyoengq noucoengz han, nyaenma ciepdwk naeuz:“Dwg baen makcoengz mbouj yinz ba. Gij saeh neix ndei banh hane, gou daeuj bangbang sou, mboujgvaq gij lingzdaeuz baen lw haenx gvi gou, baenzlawz yiengh?”

Gyoengq noucoengz siengj, gawqyienz dwg lingzdaeuz lw roengz haenx, haengjdingh haemq noix, couh dapwngq lo.

Nyaenma cang yiengh youh geq makcoengz youh geq noucoengz. “260 aen makcoengz, baen hawj 40 duz noucoengz, 260÷40, moix duz noucoengz wnggai ndaej……” Nyaenma gangj dwk youq gwnz dieg sij ok gij cigsik cawzfap daeuj.

Gyoengq noucoengz yawj aen suenqsik, cungj ngaekngaek gyaeuj. Duz noucoengz he ciengj dwk naeuz: “Raeuz gak boux ndaej 6 aen makcoengz, lij lw 2 aen makcoengz.” Nyaenma bek aenmbaq duz noucoengz haenx naeuz:“Mwngz caen coeng- mingz ha! Seizneix sou moix duz noucoengz aeu bae 6 aen makcoengz, doeklaeng lw roengzdaeuj haenx couh hawj gou cimzcimz ba.”

“Gaej gaenj!” Duz noucoengz he diuq daengz baihnaj nyaenma, “cawzsoq、dengcawzsoq ndaw cigsik cungj veh bae aen 0 he, biujsi gyoengqde doengzseiz cawzbae 10. Gaengawq singqcaet cawzfap, sangh (ndaej soq) dwg mbouj bienq, hoeng soq lw roengzdaeuj haenx hix deng cawzbae 10 lo. Lingzdaeuz mwngz aeu haenx mbouj dwg 2 aen, dwg 20 aen, beij moix duz noucoengz baen ndaej haenx lai lai lo.”

“Laxlawz nyaenma dwg daeg- daengq suenq loek yaeuh raeuz! Nyaenma mbouj lauxsaed mbouj soujsaenq, raeuz mbouj baen mak- coengz hawj de!” Gyoengq noucoengz hozndat dangqmaz, aen makcoengz he cungj mbouj hawj nyaenma.

(haj nienzgaep Vangz Ginhsui)