●Mboengqneix， Yungzsuij Myauzcuz Swciyen Fuzbinzban yien- daeuz, cujciz nungzyez、 caizcwng nem yanghcin ganbu daengj daengz ndaw mbanj doiq ranzgungzhoj dajciengx moundaemhom、 dajndaem lwgmanh daengj dajndaem dajciengx canjnieb guh niemhsou, bouxhabgek ciuq gij cwngcwz hawj boujdiep “yungh ciengj lawh diep” moix duz mou ciengj 600 maenz、 moix duz vaiz ciengj 2500 maenz daengj, mizyauq gikfat ranzgungzhoj gaenx- maenx hwngfat canjnieb, laisou baenzfouq.

(Lungz Linzci)

●9 nyied 2 hauh, bouxguh- hong Gungcinghdonz Lozcwngz Mulaujcuz Swciyen Veijyenzvei soengq daizdaengq、 saw、 dijyuz doxgaiq daengj bae hawj hagseng Baujdanz Yangh Siujyoz aen yienh neix, bang lajmbanj gyauyuz saeh- nieb hwngfat. Ciuq cam rox, bineix 5 nyied, aen yienh neix gungh sou ndaej doxgaiq Guengjsae Bouxcoz Gihginhvei gien hawj haenx gyaq- cienz dij 24843 maenz, cujyau yungh guh haiguh lajmbanj hagdangz “aen ranzyawjsaw ndeu·gaiqcatheuj iq ndeu” cawjdaez hozdung.

(Liu Gvanghfuz Vangh Gez)

●Bineix daeuj, Yungjfuz Yen Baujlij Cin Dangjveij、 Cwngfuz gig yawjnaek hong bangrex, doenggvaq doihengz lienzhaeh bangfuz vunqsik dangjyenz ganbu caeuq ranz- gungzhoj “1+1”, bangcoh ranz- gungzhoj ciuq dieg bae guh hwngfat ndaem makdoengj diengz、 mak- lozhangoj daengj daegsaek yauqik canjnieb, mboujduenh gyalai gij souhaeuj vunzlai gungzhoj, vih vunzlai gungzhoj vaiqdi saedyienh vut gungz baenzfouq dwkroengz giekdaej maenhndei.

(Lij Siujlinz Cinz Danh)

●Bi 2014 doxdaeuj, Sanh- gyangh Dungcuz Swciyen laebdin gijndei swnghdai, mizyauq cingjhab swhyenz, yungh daengx yangh doicaenh fuengsik, haenqrengz hengzguh ndaem haeuxnaz ciengx bya “3721 gunghcwngz”, doenggvaq boujdiep doxgaiq caeuq soengq byalwg daengj banhfap, youq daengx yienh hengzguh byauhcunjva ndaem haeuxnaz ciengx bya 7 fanh moux, hawj hanghmoeg nungzhoh saed- yienh gij moegbiu “bak gaen bya、 cien gaen haeux”, bi boux vunz bingzyaenz laisou 1000 maenz doxhwnj, rengzrwd bangcoh boux- guhnaz vut gungz baenzfouq.

(Gungh Bujgangh)